NEJ/ ၁၇ ဇူလိုင် ၂၀၀၈
ပြည်ပ မြန်မာသံရုံးများတွင် တာဝန်ထမ်းဆောင်ရမည့် နေပြည်တော် နိုင်ငံခြားရေးဝန်ကြီးဌာန အရာထမ်း အမှုထမ်းများကို ရန်ကုန် အာရှတော်ဝင်ဆေးခန်းတွင် ဆေးစစ်ခိုင်းပြီး မလွှတ်ချင်သူ များကို ဆေးကျအောင် လုပ်နေသည်ဟု သံတမန်အသိုင်းအ၀န်းက ပြောသည်။
ယခင်က မိမိအစီအစဉ်ဖြင့် ဆေးစစ်ခွင့်ရှိသော်လည်း ယခု အာရှတော်ဝင် ဆေးခန်းတခုတည်း တွင်သာ ဆေးစစ်ရန် အာဏာပိုင်များက ပြောင်းလဲသတ်မှတ်ခဲ့ခြင်းဖြစ်သည်။ ပြည်ပ မြန်မာသံရုံး များတွင် တာဝန်ထမ်းဆောင်မည့် အရည်အချင်းရှိသည့် အရပ်ဘက် အရာထမ်းအချို့နေရာကို စစ်တပ်အရာရှိများနှင့် လူစားထိုးချင်သည့်အခါမျိုးနှင့် လူလျှော့လိုသည့်အခါမျိုးတွင် ဆေးကျ အောင်လုပ်လေ့ရှိသဖြင့် အရပ်ဘက်ဝန်ထမ်းများ စိတ်ဓာတ်ကျနေသည်ဟု နေပြည်တော်သတင်း ရပ်ကွက်ကလည်း ပြောသည်။
နေပြည်တော် နိုင်ငံခြားရေးဝန်ကြီးဌာနတွင် စစ်အရာရှိများကိုသာ ဦးစားပေးလာသည့်အတွက် အတွေ့အကြုံများပြီး အရည်အချင်းရှိသည့် အရပ်ဘက် အရာထမ်းအချို့ဆိုလျှင် ရုံးမတက်တော့ဘဲ ၀န်ထမ်းပြေး ဖြစ်နေသူများလည်း ရှိသည်ဟု စုံစမ်းသိရသည်။
No comments:
Post a Comment