ယနေ့နံနက် (၁၁) နာရီခန့်တွင် အမှတ် (၄၅) လိုင်းမှ ဘတ်စ်ကားတစီး ပြည်လမ်းမပေါ် လှည်းတန်းမီးပွိုင့်နားအရောက်တွင် ပေါက်ကွဲမှုဖြစ်ပွားခဲ့သည်။အဆိုပါကားမှာ မြေနီကုန်းတွင် လူအချို့ဆင်းပြီး ဆက်လက်မောင်းနှင်လာရာမှ လှည်းတန်း အရောက် ဦးတေဇပိုင် အက်စတိတ်အဲဗင်းနယူး ဟိုတယ်ရှေ့တွင် ရုတ်တရက် ပေါက်ကွဲမှု ဖြစ်ပွားခြင်းဖြစ်ကြောင်း ကားစပယ်ယာဖြစ်သူက ပြောသည်။
ဦးခေါင်းနှင့် လက်တွင် ဒဏ်ရာရှိသွားသည့် ကားစပယ်ယာက ကားပေါ်တွင် ခရီးသည် (၁၀) ယောက်ကျော်ခန့်ပါပြီး ကားဒရိုင်ဘာအပါအ၀င် လူအချို့ဒဏ်ရာရရှိကြောင်း ပြောသည်။
အခင်းဖြစ်ပွားသည့်နေရာသို့ ရောက်ရှိခဲ့သူ မျက်မြင်တဦးက “ကားခေါင်မိုးတွေ ပွင့်ထွက်သွားပြီး မှန်ကွဲစတွေ လမ်းတဖက်အထိ အတော်ဝေးဝေးကို လွင့်စဉ်နေတာ တွေ့ရတယ်။ ပေါက်ကွဲမှု ပြင်းထန်ပုံရတယ်” ဟု ပြောသည်။
ကားပေါက်ကွဲရသည့်အကြောင်းရင်းကိုမူ သေချာစွာမသိရသေးပေ။
No comments:
Post a Comment