မောင်အေး(နိရဉ္စရာ) ရွှေဝါရောင်တော်လှန်ရေး တနှစ်ပြည့်နေ့ အထိမ်းအမှတ် နေ့တွင် အပြည်ပြည်ဆိုင်ရာ မြန်မာ ရဟန်းတော်များ အဖွဲ့ချုပ် (ဘင်္ဂလာဒေခ်ျ့ ဌာနခွဲ)က ဒက္ကားမြို့တော်တွင် ဆန္ဒပြပွဲတရပ် ပြုလုပ်ပြီး ဖမ်းဆီးခံ ရဟန်းတော်များအား အမြန်ဆုံး ပြန်လည် လွတ်ပေးရန် တောင်းဆိုခဲ့သည်။
ရဟန်းတော်များသည် ဘင်္ဂလာရဲအဖွဲ့ တင်းတင်းကျပ်ကျပ် တားမြစ်ထားသည့်ကြားက ဆန္ဒပြပွဲကို မြန်မာသံရုံးရှေ့နှင့် ဘင်္ဂလာဒေ့ခ်ျနိုင်ငံ တရားရုံးချုပ်ရှေ့တွင် ပြုလုပ်ခဲ့ကြခြင်း ဖြစ်သည်။
ဆန္ဒပြပွဲတွင် မြန်မာ့ ရဟန်းတော်များသာမက ဘင်္ဂလာဒေခ်ျ့ နိုင်ငံ စစ်တကောင်းမြို့မှ ဘရ၀ါ (မာရမာကြီး) ရဟန်းတော်များနှင့် စစ်တကောင်း တောင်တန်းနယ်မှ မာရမာ ဘုန်းတော်ကြီးများလည်း တက်ရောက်ခဲ့သည်။
၎င်းပြင် ရခိုင်ကျောင်းသားများ အမျိုးသမီးများလည်း ဆန္ဒပြရာတွင် တတတ်တအား ပါဝင်ခဲ့ပြီး ရဟန်းတော် ၄၀ အပါအ၀င် လူပေါင်း ၈၀ ခန့် တက်ရောက်ခဲ့သည်။
မြန်မာ သံရုံးရှေ့တွင် ဆန္ဒပြသူများမှ ဦးဂမ္ဘီရနှင့် နိုင်ငံရေးအကျဉ်းသားများကိုလွှတ်ပေးရေး၊ နအဖဖွဲ့စည်းပုံ အလိုမရှိ၊ ၂၀၁၀ ခုနှစ် ရွှေးကောက်ပွဲ အလိုမရှိ၊ ရွှေဝါရောင်အရေးတော်ပုံ အောင်ရမည် စသည့်ကြွေးကြော်သံများကို ကြွေးကြော်ဆန္ဒပြခဲ့ကြ သည်။
အပြည်ပြည်ဆိုင်ရာ ရဟန်းတော်များ အဖွဲ့ချုပ် (ဘင်္ဂလာဒေခ်ျ့ ဌာနခွဲ)မှ ဥက္ကဌ ဆရာတော် ဦင်္းမေဃိယမှ “ ဦးဇင်းတို့ ဒီနေ့ဆန္ဒပြရတာက ၂၀၀၇-ခုနှစ် စက်တင်္ဘလာလမှာ ဒီမိုကရေစီ သူရဲကောင်းတွေ ဖြစ်ကြတဲ့ ရဟန်းတော်များနဲ့ ပြည်သူများကျဆုံးသူတွေကို ဂုဏ်ပြု အောက်မေ့တဲ့ အနေနဲ့ ကျင်းပရတာ ဖြစ်တယ်။ နောက်တချက်က စက်တင်္ဘာ ၂၆ ရက်ကို အပြည်ပြည်ဆိုင်ရာ သာသနဦးသျှောင် ရဟန်းတော်များအဖွဲ့က ရွှေဝါရောင် တော်လှန်ရေးနေ့အဖြစ် သတ်မှတ်ထားတဲ့အတွက် ဒီနေ့ မှာ အကြို အနေနဲ့ မြန်မာသံရုံးရှေ့ကိုလာပြီး အခုလို ဆန္ဒပြရတာဖြစ်တယ်” ဟု နိရဉ္စရာသို့ ပြောသည်။
ဆန္ဒပြပွဲတွင် ရဟန်းတော်သုံးပါးက မြန်မာ အကျဉ်းထောင်များထဲတွင် ရဟန်းတော်များအား သင်္ကန်းချွတ် လူဝတ်လဲ သံခြေချင်း ခတ်ထားပုံများကို နမူနာ သရုပ်ပြကာ ဆန္ဒပြခဲ့သဖြင့် တခြားသံရုံးများမှ သံအရာရှိများနှင့် သံရုံးဝန်းကျင်မှ လူအများအပြား အုတ်အော် သောင်းနှင့် လာရောက် ကြည့်ရှု့ခဲ့ကြသည်။
၎င်းပြင် ၈၈ မျိုးဆက်သစ် ကိုနိုင်နိုင်မှလည်း သံရုံး ဂိတ်တံခါးဝသို့ ဘင်္ဂလာရဲများ တားဖြစ်သည့်ကြားက သွားရောက်ပြီး လွမ်းသူ့ ပန်းခွေကိ်ု ချခဲ့သည်။
၎င်းအပြင် “ ဦးဇင်းတို့က မတရား ဖမ်းဆီးခံရနေရတဲ့ သံဃာတော်တွေအပါအ၀င် ကျောင်းသားလူငယ် ပြည်သူတွေကို အမြန်ဆုံးလွတ်မြောက်စေချင်တယ်။နောက်ပြီး ဖမ်းဆီးထားတဲ့ သံဃာတွေကို အတင်း လူဝတ်လှည်တဲ့အပြင်ချဉ်နှောင်ပြီး ရုံးထုတ်စစ်ဆေးနေတာတွေဟာ အင်မတန်မှ အကျဉ်းတန်တဲ့ လုပ်ရပ်ဖြစ်တဲ့အတွက် ဒီလုပ်ရပ်တွေကို နအဖအနေနဲ့ ရပ်သင့်က ရပ်သင့်ပြီလို့ ပြောကြားလိုပါတယ်” ဟု အရှင်မေဃိယမှ ဆက်ပြောသည်။
ရဟန်းတော်များ မြန်မာသံရုံးရှေ့တွင် ဆန္ဒပြနေစဉ်အတွင်း ဘင်္ဂလားအာဏာပိုင်များနှင့် ရဟန်းတော်များအကြား အနည်းငယ် တင်းမာမှုများရှိခဲ့သော်လည်း ရဟန်းတော်များက မေတ္တာသုတ် ပရိတ်တရားတော်ကို ရွတ်ဖတ်ပြီး ဆန္ဒပြပွဲကို ပြုလုပ်နိုင်ခဲ့သည်။
သံရုံးရှေ့ ဆန္ဒပြပွဲကို နံနက် ၁၁ နာရီတွင် စတင်ပြီး နေ့လည် ၁၂ နာရီခွဲတွင် သံရုံးရှေ့မှ ဘင်္ဂလာဒေ့ခ်ျနိုင်ငံ တရားရုံးချုပ်ရှေ့သို့ ချီတက်ခဲ့ကြပြီး နအဖ စစ်အစိုးရ၏ ကြယ် ၁၄ လုံးပါ မြန်မာနိုင်ငံ အလံကို မီးရှို့ကာ ဆက်လက် ဆန္ဒပြခဲ့ကြကြောင်း သတင်းရရှိသည်။
Source
No comments:
Post a Comment