ကန္တာရ၀တီတိုင်း( မ် )
အမေရိကန်နိုင်ငံသို့ ပြန်လည်အခြေချ နေထိုင်နိုင်ရေး အစီအစဉ်တွက် လျှောက်ထားကြသော ကရင်နီဒုက္ခသည်အချို့ မိသားစုအတွင်းရေး သဘောထားကွဲလွဲမှုများ ရှိသောကြောင့် လျှောက်ထားသော အစီအစဉ်အား ပြန်လည်ဖျက်သိမ်းကြသည်ဟု ဆိုသည်။
အမေရိကန်နိုင်ငံသို့ သွားရောက်အခြေချ နေထိုင်ခဲ့ပြီးသူများ၏ ဝေငှလာသော အကြံများ၊ နိုင်ငံတွင်း နေပုံထိုင်ပုံများ၊ အလုပ်အကိုင်များနှင့် ရှေ့ရေး အခြေအနေများအား လက်ကမ်းစာစောင်များမှလည်းကောင်း၊ စာအုပ်မှလည်းကောင်း၊ ဖတ်ရှုလေ့လာပြီးနောက် ယခုလို ဖျက်သိမ်းခြင်းဖြစ်ကြောင်း လျှောက်ထားခဲ့ပြီးမှ ပြန်လည်ဖျက်သိမ်းသော မိသားစုများက ပြောသည်။
ဖျက်သိမ်းလိုက်သည့် မိသားစုတစုမှ အိမ်ထောင်ဦးစီးတဦးက " ဒီအမေရိကန် (ရီစက်တမဲ) ခေါ် အခြေချနေထိုင်တဲ့ ပရိုဂရမ်ကို ကျနော် စိတ်အားထက်သန်မှု မရှိဘူးလေ။ အမေရိကန် အခြေအနေက အခု အမေရိကန်နဲ့ ပတ်သက်တဲ့ အကြောင်းတွေ လက်ကမ်းစာစောင်၊ ဗီဒီယိုထုတ်ခွေတွေမှာ တွေ့ရတယ်။ ဖတ်ရတယ်။ (စပေါ့တီး) ထောက်ပံ့မှု ကာလလည်း နည်းနေတယ်လေ " ဟု ပြောပါသည်။
အမေရိကန်သို့ စခန်း (၁) မှ မိသားစုဦးရေ ၁၀၃၀၀ ကျော် လျှောက်ထားပြီးခေါ်ယူ စစ်ဆေးမေးမြန်းခြင်း ခံရသည့် အိမ်ခြေပေါင်း (၇၇၆) အိမ်ထဲမှ ပြန်လည်ဖျက်သိမ်းသည့် အိမ်ထောင်စု ၁၁၀ အိမ်ထောင်ရှိသည်ဟု သိရသည်။
ထိုကဲ့သို့ ပြန်လည်ဖျက်သိမ်းသူများသည် အမေရိကန်အခြေချ နေထိုင်ရေး အစီအစဉ်နှင့် ပတ်သက်ပြီး သတင်းအချက်အလက် အဖြစ်မှန်များကို ဖြန့်ဝေပေးသည့် ဗီဒီယိုခွေများအား ကြည့်ရှုခဲ့ရပြီးမှလည်းကောင်း၊ တကယ်အိမ်တွင်း မိသားစုများ ဆန္ဒကွဲပြားနေမှုကြောင့် ပြန်လည်ဖျက်သိမ်းခဲ့သည့် အိမ်ထောင်များလည်း ရှိကြောင်း ပင်လယ်ရပ်ခြား လုပ်ငန်းစီစဉ်ဆောင်ရွက်သောအဖွဲ့ အိုပီအီးမှ ၀န်ထမ်းတဦးက ပြောသည်။
ယခုလို ကိုယ့်အစီအစဉ်ကို ဖျက်သိမ်းလိုပါက စာဖြင့် ပထမဦးစွာ လျှောက်ထားရမှာ ဖြစ်ပြီး၊ အိုပီအီးမှ မျက်နှာချင်းဆိုင် လာရောက်စစ်ဆေးမှာ ဖြစ်သည်။
မိသားစုဘက်မှ ဖျက်သိမ်းလိုက်သော်လည်း ၎င်းမိသားစုများ၏ အမည်စရင်းများကို လုံးဝဖျက်ပစ်လိုက်ခြင်းမရှိ။ အဘယ်ကြောင့်ဆိုသော် မိသားစုတွင်း ပြေလည်လာသည့် တနေ့ ၎င်းတို့ရဲ့ မိသားစုများ အခွင့်အရေး မဆုံးရှုံးရန်ဖြစ်ကြောင်း အိုပီအီးမှ တာဝန်ရှိသူများက ဆိုပါသည်။
ဒုက္ခသည်အချင်းအချင်း အခြေချနေထိုင်နိုင်ရေး အစီအစဉ်အတွက် အမြင်အမျိုးမျိုး ရှိကြသည်။ အခြေချနေထိုင်ချင်သည့် မိသားစုများမှာ ၎င်းတို့၏ သားသမီး ရှေ့ဆက်ပညာရေးနှင့် မိမိ၏ ဘ၀သစ်ကို တည်ထောင်ဖို့အတွက် ရည်စူးပြီး လျှောက်ထား ကြပါသည်။
သို့သော် ဤဖျက်သိမ်းလိုသည့် မိသားစုများ၏ ပြောပြချက်အရ အမေရိကန်နိုင်ငံသည် ပညာတတ်နိုင်ငံ ဖြစ်သောကြောင့် ၎င်းတို့အနေဖြင့် အခြေချ နေထိုင်နိုင်ခဲ့ပါသော်လည်း သူများ၏ အနှိမ့်ဆုံးကျွန် ဖြစ်လာမှာကို စိုးရိမ်နေကြသည်ဟု ဆိုသည်။
အခြေချနေထိုင်ရေး အစီအစဉ်အား စိတ်ဝင်စားမှုမရှိသည့် ကရင်နီဒုက္ခသည် တီးက "တော်လှန်ရေးမှာ နှစ်ပေါင်းများစွာနဲ့ ဒုက္ခတွင်း၊ ဖိနှိပ်မှုခံနေပြီးမှတော့ အောင်မြင်မှုတစုံတရာ၊ အကျိုးတစုံတရာ ရမလာသေးဘူးလေ။ လောလောဆယ် လုပ်နေတုန်းပဲ။ သွားချင်တဲ့လူတွေရှိသလို မသွားချင်တဲ့ လူတွေလဲ ခပ်များများပဲရှိမယ်လို့ထင်တယ်" ဟု ပြောပါသည်။
No comments:
Post a Comment