Narinjara News 11/14/2008
ရခိုင်ပြည်နယ် မင်းပြားမြို့တွင် တန်းဆောင်မုန်းလပြည်နေ့က အရပ်သားများနှင့် စစ်သားများ ရန်ဖြစ်သဖြင့် လူပေါင်း ၂၀ ကိုဆေးရုံတင်ထားရကြောင်း သတင်းရရှိသည်။
ဖြစ်ပွားပုံနှင့် ပတ်သက်ပြီး သိရသည်မှာ တန်ဆောင်းမုန်း လပြည့်နေ့ ညနေပိုင်းတွင် အေးစေတီ ရပ်ကွက်တွင် အမျိုးသမီးငယ်များ ထမင်းချက်စားနေသည်ကို စစ်သားများက ၀င်ရောက် နှောင့်ယှက်ရာမှ အမျိုးသမီးများ၏ မောင်ဖြစ်သူများနှင့် စတင်ရိုက်ပွဲ ဖြစ်ပွားခဲ့ကြောင်း သိရသည်။
၎င်းနောက်ပိုင်းတွင် စစ်သားများမှ အဆိုပါ ရိုက်ပွဲကို တပ်ရင်းသို့ သွားရောက်အကြောင်း ကြားခဲ့ပြီး တပ်ရင်းမှူးကိုယ်တိုင် စစ်သားများနှင့် အဆိုပါ ရပ်ကွက်တွင် ၀င်ရောက်လာပြီး တွေ့တွေ့သမျှလူကို ရိုက်ပုတ်သဖြင့် ပြည်သူအများအပြားမှာ ပြင်းထန်စွာ ဒဏ်ရာရရှိသွား ကြောင်း သိရသည်။
မင်းပြားမြို့က ပေးပို့သောသတင်းအရ ညဥ့်အချိန်ဖြစ်သဖြင့် မည်သည့်တပ်ရင်းမှ စစ်သား များဖြစ်သည်ကို မသိရသေးသော်လည်း မင်းပြားအခြေစိုက် ၃၈၀ နှင့် ၃၇၉ မှ ဖြစ်သည်ဟု ပြောသည်။
အရပ်သားများအား ၀င်ရောက် ရိုတ်ပုတ်စဉ်အတွင်း စစ်သားများအနေဖြင့် အရပ်သားများအား ဓါးမြှောင်များဖြင့် ထိုးသဖြင့် တချို့လူများတွင် ဒဏ်ရာပြင်းထန်စွာ ရရှိသွားကြောင်း သိရသည်။
စစ်သားများသည် ရန်ပွဲတွင် မပါဝင်သူများကိုလည်း ရိုက်ပုတ် ထိုးကြိတ်မှုများ ပြုလုပ်ခဲ့သဖြင့် မြို့သူ မြို့သားများနှင့် စစ်တပ်အခြေအနေမှာ တင်းမာနေကြောင်း သိရသည်။
No comments:
Post a Comment